Quinoa- og søtpotetburger

Hei mandag!

Når eg spurte for eit par veker tilbake kva oppskrifter under sommarmat dåkke ville ha – så var det fleire som skreiv oppskrifter på vegetarburgere som kan grillast. Eg har prøvd meg litt fram, og idag har eg en oppskrift på nettopp vegetarburgere – som du fint kan steike på grillen – men også i steikepanne/på ovnen om det er ønskelig. Denne oppskrifta er inspirert av mi flinke studievenninne Maria «grønn matglede», bloggen og oppskrifta finner du HER 🙂

Quinoa- og søtpotetburgeren er veldig enkel å lage og kan varierast med ulike smakstilsetninger, og ikkje minst serverast med ulikt tilbehør. Lag en burger med burgerbrød, dressing og litt ekstra grønnsaker eller server i pitabrød, lefser eller lomper. Du kan også servere burgeren på en tallerken fylt med salat, potetsalat, quinoasalat, pastasalat, dressinger, maiskolbe, grilla grønnsaker eller lignande. Bruk fantastien!

Quinoa- og søtpotetburger, 12-15 stk
1,5 dl quinoa
600 g søtpotet (ca. 2 mellomstore)
2-3 ss havremjøl
1 ts paprikakrydder
1/3-1/2 ts chilikrydder (kan sløyfast)
salt og pepper

Slik gjer du:
1. Skyll quinoa godt under rennande vatn. Kok opp 3 dl vatn og la quinoaen småkoke under lokk i 15 minutt. Avkjøl litt (hurtigavkjøl gjerne i frysaren).

2. Del søtpotetene i 4 biter og bak i mikrobølgeovnen til bitane er møre. Dette tar ca. 10 minutt. Du kan også bake søtpotetbitane i ovnen (200 grader, over-undervarme), men dette tar litt lengre tid.

3. Ta av skallet av søtpotetbitane og mos innmaten med en stavmisar til en søtpotetmos. Bland inn kokt quinoa og krydder. Tilslutt knar du inn havremjøl til du får en farse/deig. Det er mulig at du må bruke litt meir havremjøl for å unngå at den kleber for mykje.

4. Form til burgere med fuktige hender. Om du skal grille burgerane vil eg anbefale å bruke folieform som du smører med eit tynt lag olje i bunn. Snu burgerane ofte og steik til en sprø og gyllen utside. Server med det tilbehøret du ønsker!

Tips og alternativer!
♦ Smak gjerne til quinoa- og søtpotetfarsen med andre smakstilsetninger som ulike urter, fersk chili, kvitløk eller spennande krydder. Du kan også tilsette for eksempel rista nøtter/kjerner for ekstra crunch.

♦ Om du skal lage desse uten grill: form til burgere og steik dei gylne på svak varme i smurt steikepanne, eller legg burgerane på eit steikebrett med bakepapir og steik på 180-200 grader, over-undervarme, til dei er gjennomstekte (ca. 20 minutt +/-). Du kan også kombinere ovnsbaking og steiking.

Eg skal absolutt prøve meg fram med fleire oppskrifter på vegetarburgere etterkvart, det er ikkje noko er er veldig erfaren med – så det krever kanskje litt prøving og feiling 🙂 Har du en god oppskrift eller tips på lur, så del gjerne! 

Skriv en kommentar

Din e-postadresse vil ikke bli publisert. Obligatoriske felt er merket med *

2 kommentarer

  1. Åååå, så fantastisk! Gleder meg til å prøve, takk 🙂

    1. Håper dei faller i smak, Lene 😀