Annonse
14. november 2018
Slik lager du heimelaga, saftige søtpotetlomper!
Heisann godtfolk!
Idag er vi på lompekøyret igjen 🙂 Eg er jo alltid på lompekøyret, men idag er også bloggen med på morroa.. Og det er ikkje snakk om kva som helst lomper, det er snakk om SØTPOTETLOMPER!
Søtpotetlomper er nemlig like enkelt å lage som potetlomper, men som de sikkert forstår så får lompene ein heilt anna smak. Søtpotetlomper er heilt sinnsjukt godt, og kan brukast på alle mulige slags måter som ein bruker potetlomper på.
Dette er ingen ny oppskrift her på bloggen. Oppskrift på søtpotetlomper delte eg tilbake i juni 2014, og du finner innlegget HER. Det var rett og slett eit ekspriment som vart veldig vellykka! Eg har laga søtpotetlomper jamnt og trutt sida den tid, men så kom eg på at nokon nye bilde og ei litt meir konkret oppskrift også hadde gjort seg på bloggen. Mykje har skjedd her sida 2014 og lesartalla mine har nok seksdobla seg, så det er nok mange som ikkje har fått med seg denne oppskrifta heller 🙂
PS! Oppskrift på heimelaga, vanlige potetlomper finner du HER.
På samme måte som heimelaga potetlomper, så kan du sjølv bestemme kva mjøltype du bruker når du skal lage søtpotetlomper. Du bruker nemlig valgfritt mjøl; bruker du speltmjøl får du speltlomper, bruker du havremjøl får du havrelomper, bruker du glutenfritt mjøl får du glutenfri lomper…
Denne gangen gjekk eg for 50/50 havremjøl og sikta speltmjøl i deiga, og speltmjøl til utbakinga. Det fungerte veldig fint. Du kan sjølvsagt bruke kveitemjøl framfor speltmjøl, eller som nevnt den tørrvaren du ønsker.
Når det kjem til glutenfri søtpotetlomper har eg god erfaring med en kombinasjon av havremjøl og lyst bokkveitemjøl/jyttemjøl original. Eg anbefaler ikkje typiske mjøltyper med håplause bakeegenskaper, slik som for eksempel mandelmjøl.
Du treng, ca. 8-10 lomper
Ca. 750 g søtpotet (2 mellomstore)
Ca. 200 g valgfritt mjøl (+mjøl til utbaking)
Ca. 1 ts salt
Slik gjer du
1. Stikk søpotetene med gaffel og ovnsbak søtpotetene på 200 grader, over-undervarme til dei er møre. Avkjøl og skrell søtpotetene. Mos dei klumpfri og bland inn salt. PS! Du kan også hurtigbake søtpotetene i mikrobølgeovnen. Del i to, legg innsida av søtpoteta ned, og bak til dei er møre – ca. 10 minutt.
2. Tilsett litt og litt mjøl og bland det godt inn. Tilsett så mykje mjøl at deigen akkurat kan formast. Jo mindre mjøl, jo saftigare og betre søtpotetlomper. Kan hende du må bruke mindre enn 200 g, kan hende du må bruke meir.
3. Lag ei pølse av deigen og skjer i like store emne. Bruk litt mjøl på kjøkkenbenken til utbakinga. Trykk emna litt flate med hendene, deretter kjevlar du dei så runde og flate som mogeleg utan at dei sprekk. Snu søtpotetlompene ofte og bruk nok mjøl til at dei ikkje klistrar seg fast.
4. Steik søtpotetlompene på litt over middels varme i ei tørr steikepanne til dei har fått lysebrune flekker på begge sider. Klapp dei flate med steikespaden undervegs i steikinga. Du kan òg steike søtpotetlompene på ei takke.
5. Legg søtpotetlompene i eit fuktig kjøkkenhandkle, deretter oppbevarast dei i eit tørt kjøkkenhandkle, matpaprir eller lignande, gjerne i en matboks.
Oppbevaring og frysing
Søtpotetlompene helder seg ferske og gode eit par dager, men utover dette anbefaler eg å fryse dei. Då er det lurt å fryse dei med bakepapir mellom lompene, så dei ikkje klistrar seg fast i kvarandre ved opptining.
Søtpotetlompene passer med både salt og søtt pålegg, og kan nytast til frukost, lunsj, matpakken, turmat, kveldsmat, snacks. Som nevnt ovenfor så passer søtpotetlompene å brukast til akkurat dei samme oppskiftene som ein bruker med vanlige potetlomper 🙂 Min favoritt er rett og slett å fylle lompene med godt pålegg, og ete lompene som dei er – eventuelt rulle sammen som wraps. Då får eg virkelig kjenne den gode søtpotetsmaken!
Så godt!!!♥
Søtpotetlomper blir definitivt å lage oftare framover! Eg håper det frister og håper at fleire vil prøve seg på oppskrifta 🙂
Følg meg gjerne på instagram (lindastuhaug) for mykje sunn matinspirasjon og glimt av min kvardag. Daglig inspirasjon deler eg også på Facebook-sida mi som du kan følge HER.
*
Til slutt vil eg berre tipse om at eg feirer 15.000 (!) solgte bøker med en giveaway på facebook-sida mi HER. Den la eg ut på søndag, så du må bla litt nedover sida for å finne den 🙂 Eg trekker ut tre vinnere ikveld klokka 21.00 som får kvar si signerte bok fra meg (pluss en liten ekstragave) som ein enten kan gi til seg sjølv eller nokon man er glad i! Ellers er boka som alltid å finne på dei fleste bokforhandlere eller Frisk Forlag sine heimesider HER, om du vil bestille til deg sjølv eller kanskje gi vekk i julegave 🙂 /egenreklame
Annonse
12 Kommentarer
Torill Fladby
19. november 2018
Linda Stuhaug
19. november 2018
Frøken M
14. november 2018
Linda Stuhaug
14. november 2018
Bliss
14. november 2018
Linda Stuhaug
14. november 2018
M
14. november 2018
Linda Stuhaug
14. november 2018
Cecilie
17. mars 2022
Linda Stuhaug
17. mars 2022
Maren
9. desember 2019
Linda Stuhaug
10. desember 2019
SKRIV EN KOMMENTAR