Tynne, sprø og sukkerfri havrekjeks

… perfekt med brunost på♥

Overskrifta blei vel lang, så eg droppa den siste delen 😉 Men dette er altså tynne, sprø og sukkerfri havrekjeks er knasande gode aleine, men ekstra gode med pålegg på. Brunost er min favoritt, men dei er også gode med kvitost, cottage cheese & syltetøy, blåmuggost & honning… Veldig gode til fleire typer ost, rett og slett!

Havrekjeksa er sukkerfri, og kan fint lagast glutenfri og/eller melkefri for dei om treng det. Men – du bestemmer heilt sjølv kva søtning du vil bruke, og foretrekker du sukker framover sukrin gold, så er det heilt uproblematisk å bruke det:

Havrekjeks, 20-25 stk
3 dl havregryn*
1 dl melk*
40 g smør, smelta*
1 ts bakepulver
2 ss sukrin gold (eller anna søtning tilsvarande 2 ss sukker)
2 ss sikta speltmjøl/kveitemjøl/glutenfritt mjøl
en klype salt
evt. ekstra smakstilseting*

Slik gjer du:
1. Sett ovnen på 175 grader, over-undervarme. Bland havregryn med melk og smør, la stå i 5-10 minutt. Bland så inn resten av ingrediensane til en deig.

2. Bruk litt ekstra mjøl på kjøkkenbenken til utbaking. Kjevle deiga forsiktig ut til 2-4 mm tjukkelse og stikk/skjær ut passelige former.

3. Bruk en steikespade eller ostehøvel for å flytte kjeksa over på eit steikebrett med bakepapir. Steik midt i ovnen i ca. 15 minutt, til kjeksa er gylne.

4. Havrekjeksa skal no vere sprø, men eit tips dersom du vil vere heilt sikker: lat opp ovnsdøra for å slippe ut ein del varme, og la deretter kjeksa stå i ettervarmen i ovnen i minst 30 minutt, gjerne lengre. Avkjøl på rist.

Tips og alternativer*
→ For glutenfri kjeks bruker du naturligvis glutenfri havregryn og glutenfritt mjøl.

→ For melkefri kjeks bruker du melkefri margarin eller ghee og plantebasert melk.

Smakstilsetning: vil du ha litt ekstra smak på havrekjeksa er det veldig godt med 1/2-1 ts kanel, kardemomme og/eller vaniljepulver. Eg lagde dei nøytrale denne gangen, og synes det er minst like godt.

Kjeksa oppbevarer du i en kakeboks eller i eit glass på kjøkkenbenken eller i kjøkkenskapet. Dei står seg i vekesvis!

Havrekjeks er noko mange forbinder med jula, men havrekjeksa passer like godt året rundt 🙂 Nyt til kaffikoppen, kveldskosen, enkel frukost, mellommåltid på farten eller tursnacks♥

Eg fekk 25 kjeks av oppskrifta denne gangen, men antallet varierer etter størrelse og tjukkelse. Av og til lager eg dei litt tjukkare, og då går naturligvis antalla ned 🙂 Tjukkelsen bestemmer du heilt sjølv etter kva du liker best!

Eg har laga dobbel oppskrift og har 50 havrekjeks i kakeboksen no, så håper virkelig at det varer ei stund… 😉

Håper fleire har lyst å prøve desse kjeksa♥ Og har du forresten sett oppskrifta før, så er den faktisk delt for 4,5 år sidan her!

Det blir litt ekstra fokus på jul no framover, eg har så mange oppskrifter eg vil dele med dokke 🙂 MEN eg skal diske opp med litt anna enn berre julekaker og juleoppskrifter også innimellom (men ikkje så alt for ofte, hehe). Eg veit vertfall at oppskriftene blir satt pris på hos veldig mange, og visst man er på utkikk etter andre ting, så har eg jo hundrevis (om ikkje tusenvis) av oppskrifter i arkivet 😀 Stay tuned! 

Skriv en kommentar

Din e-postadresse vil ikke bli publisert. Obligatoriske felt er merket med *

12 kommentarer

  1. Carmen Rashawy

    Sikta hvetemjol fines i dagligvarebutikk? På forhand tusen takk. Mvh. Carmen

  2. Jeg setter stor pris på dine kreative oppskrifter som følger sesongene

    1. Takk, Malene! Det er hyggelig å lese 🙂

  3. Hei. Lukker du bakerovnsdøra når du har slipt ut litt varme?

  4. Hei! Om de ikke er blitt helt harde/gjennomstekt og jeg har de i kakeboks, vil de mugne da? Altså må de være helt sprø? 🙂 takk for inspirasjon <3

    1. Hei! Nei, det trur eg absolutt ikkje. Men eg kan ikkje garantere noko som helst, eg har alltid stekt dei sprø 🙂 <3

  5. Hei!
    Bruker du lettkokte eller store havregryn? Bruker oppskriftene dine ukentlig, du er dyktig 🙂

    1. Hei! Takk 😀
      Eg foretrekker lettkokte havregryn, men det går fint med store også 🙂

  6. Kan en søte med honning istedet for sukrin?

    1. Går heilt sikkert fint 🙂