Heisann!

Det er fredag, det er helg og kanskje du har lyst til å lage noke ekstra godt til frukost, lunsj eller turmat desse dagane? Idag kjem det nemlig ein ny vri på mine søte havrescones som eg har delt i fleire varianter tidligare. Desse sconesa er berre fantastisk gode: søte, saftige og like gode både med og uten pålegg!

I denne varianten har eg brukt bringebær og valnøtter som smakstilsetning, men du kan sjølvsagt bruke akkurat det du ønsker. I arkivet har eg ulike varianter; nøytral, med brunostbiter, med sjokoladebiter og med kun bær. Ved å bake inn pålegget treng du ikkje ekstra pålegg, men, du kan såklart dele dei på tvers og ha pålegg på visst du vil det også 🙂

I oppskrifta bruker eg en moden banan, både for sødme, saftighet og smak. Så har du en brun banan i fruktkorga, så er den perfekt å bruke her! Men, du kan droppe banana, bruke 100 g ekstra kesam + litt ekstra søtning også 🙂

Du trenger, 8 biter:

♦ 1 moden banan
♦ 200 g original kesam (rømme, yoghurt eller creme fraiche kan og brukast)
♦ 1 dl valgfri melk
♦ 50 g valgfri søtning (eg brukte 25 g sukrin+)
♦ 1 ss bakepulver
♦ 50 g havregryn
♦ 100 havremjøl (du kan lage sjølv ved å finblende havregryn)
♦ 150 g sikta speltmjøl, kveitemjøl eller glutenfritt mjøl
♦ Bringebær og valnøtter

Framgangsmåte:

1. Mos banana klumpfri med gaffel. Miks inn kesam, melk, søtning og bakepulver.

2. Tilsett havregryn og havremjøl, rør godt før du tilsetter mjølet. Vend godt til en jevn deig.

3. Klapp deiga ut til en rund scone på bakepapir. Bruk litt mjøl på hendene. Skjær opp i 8 biter og trykk nedi bringebær og valnøtter.

4. Steik på 180 grader i ca 20 minutt, til en gyllen farge. Avkjøl på rist.

Sconesa holder seg saftige og gode nokon dager, og kan fint frysast 🙂

God helg♥